من جديد : سجل أحساسك اليوم في أحاسيس بـــ عـذب الكلام...

[هدوء القاضي]

استأذنك بسافر ايام واجيك وان طالت ايام السفر لاتحاتي حتى ولو طولت ماني مخليك ياللي بدونك ويش تسوا حياتي تامر علي حاجه ؟باودعك واليك عسي عوض الايام في المقبلاتي حتى يدي ماودها تفارق يديك ساكت وانا اشوف البلا في سكاتي ماشفتني لارحت منك التفت فيك بلاي والله روحتي والتفاتي لكن قبل ماروح ودي اوصيك وانت الوحيد الي يقدر وصاتي لحد"سألك وقال لك وين مغليك قله لوازم لاقضاها بيآتي وان طرو النسيان مانيب ناسيك ياراس مالي في الحياه وغناتي وان طرو السلوان مانيب ساليك طيفك معي حتى وانا في صلاتي

[تراتيل ديمه]

اكثر شي يعجبني فيني
ان همومي لمّا تجيني
تاخذني من يدّي لـ صدرك
وهناك بكيفي أبكيني..!
.
..

وأكثر شي يعجبني فيك
انك لما تقول: شفيك
تمطر..وألقاني من خوفي
أركض وأتخبى بـ يديك!

[سامي الشرابي]

للعيد فرحه و للقصايد تعابير

و القلب من فرحتك عيّد و غنا

[بشرى الحازمي]

ماعرفت للعيد يوم

وماعرفت لليوم .. . عيد !!

[قـلـب حـي]

انتظر صبحك صباحه كل عيد و ألبس اشواقي و لا تشرق أبد ! و أفتح لـ صدري شبابيك القصيد علي ألقى به عقب ضيقي سعد ! هذا حالي في غيابك لا جديد ميت لـ حالي و لا يدري أحد !

[سامي الشرابي]

اطلق سراح الرضى و أنعم بـلذاته

ما فالزعل خير لا تزعل و تزعلني

[بشرى الحازمي]

ماهقيت ان السعادة خيال في خيال تروى / قلوب الحبايب وقلبي ما روى
كنت ابشتال الهوى والهوى ثقل الجبال / وان تحملت الجبل ما تحملت الهوى
كنت ابسلى بالهوى والهوى صعب المنال / ما رضا لي حظي اللي طواني وانطوى
قلت لا فراحي تعالي ولا قالت تعال / والخفوق ان قلت ابقبل على صدي نوى
الله أكبر لا شرقت شمس يتلاها زوال / كيف ابفرح في صباح مع الليال استوى؟
لاحصل بالحب قسمة ولا جا لي مجال / غير اشوف معاند الجرح وعناد الدوى
شبت النيران واقفت وجاء رد السؤال / ما تشب النار يا كود يوصلها هوى ..

حامد زيد